Alua Pasambahan Makan dan Minum | Part 1

Alua pasambahan adalah salah satu satra lisan/ Petatah Petitih Minangkabau yang masih lestari dan dijunjung tinggi hingga saat ini. Dalam kegiatan adat, masyrakat minangkbau tidak berkomunikasi seperti biasanya. Untuk menyampaikan pesan, para ninik mamak akan berbicara dengan petatah petitih.

Alua pasambahan biasanya terlihat seperti “bermisal” dan “berumpama”. Setiap kalimat yang disampaikan kebanyakan mengandung arti secara tersirat. Salah satu kegiatan yang biasanya dilaksanakan alua pasambahan adalah menjelang dan sesudah makan, sehingga pada artikel ini saya akan berikan kepada kalian kata-kata alua pasambahan makan dan minum.

Paket alua pasambahan ini akan saya kemas menjadi beberapa bagian, agar memudahkan para pembaca untuk melakukan navigasi pada blog ini.

ALUA PASAMBAHAN MAKAN DAN MINUM PART 1

– PAMBUKAK KATO –

Alua Pasambahan Makan dan Minum Part 1

Dt. Mangguang : MA NYO DATUAK PARPATIAH……(Ambo) !

Tagah dek imbau nan sakali, tagah dek rundiang nan sapatah, dek aluah patuik baturuik tajambo salam sampai kini. Tagah dek buek nan bakarang, nyato dek janji ba ikati kini lah samo dikunjungi. Hukum putuik tampek bagantuang, kato sudah tampek ba pogang, Kato sabuah tampek diam.

Lorong di kami nan basamo, iyolah Niniak dengan Mamak, sarato Ibu jo Bapo, adok ka diri badan Datuak baiak kapado nan basamo. Angan-angan sapanjang hari, cinto tak putuih nan mandatang. Angan nan sajak mulo dulu, cinto nan sajak mulo saisuak, lah tasabuik dibuah renai – lah tabincang dibuah rundiang, kini lah baru Dinyato kan.

Nan bak santano hujan lobek, cucuah nan bukan alang-alang, lah bak maniak putuih tali, nan bak Intan putuih pangarang, Bak gunuang putaran angin, bak Bumi di hoyak Gampo. Hulu muaro daulunyo kini lah pasiah pangiraian. Dek tahun musim baganti dek zaman raliah baraliah, muluik manih calempong kato, Baso Baik Budi Pikatan. Kapahubuag Silatur Rahim.

Talayang sampan katongah,babalun-balun jo Buiah, ombak mamacah kiri jo kanan, galombang manulak jauah , riak mambawo katopi, sampan Babalun dalam itu.Santano iyo lah bak itu; Tantangan Juadah nan ditongah, lah basusun di ruang tongah, alah baririk diruang topi, Sajalan cawan jo pinggan, sadundun Galeh jo Baki, sakato piriang manuruti, samo barisi kasadonyo, Banamo Ragam si Bungo Alek.

Alah tadonga piriang babuni, eten didalam pandapuran lalu ditatiang ka Ruang tongah. Teko godang mamacah ruang, cangkiah ketek babilang jari, jawek-bajawek candonyo Piriang, kini tahunjuak ka muko Datuak. Ditongah awang gumawang, ditopi samuik baririang, Nago bahoyak kiri jo kanan. Dek Urang mudo mambagikan, kok kurang ingek mangamudi, jarang kok rapek kok basuwo, labiah jo kurang kok batamu. Sombah jo simpuah pamanuhi, Izin jo relah dari Datuak.

Namun baato tulai kini, Nak nyo sonang hati rang disiko, nak sajuak pikiran ibu jo bapo ; Pandang jauah tolong layangkan, pandang dokek tolong tukiak kan, pandanglah Juadah jo Hidangan. Kok lai kurang nan kakami tambah. Umpang kok lain nan kakami sisik, labiah nan indak ka kami ambiak. Kok batamu nan bak kian, kok basuwo nan baitu. Kato sapatah nan kami nanti, rundiang sabuah nan kami tunggu. Kato diharap Datuak tarimo, dimintak buni nak Kumbali. Sakian sajo panyombahan.!

Dt. Parpatiah : LAH SAMPAI DEK DATUAK ?………….(Lah sampai ) !

Nan sapanjang kato Datuak tadi, buni nan sampai kapado kami itulah kato nan sabonanyo, lah iyo pulo janyo kami. Baru Tadonga imbauan dari Datuak,; Tabayang pitawek-pituah Guru nan Batigo; Partamo Angku Sari Alam, nan dipintu lawang langik, Nan kaduwo Nago Malintang, nan tabayang di Udaro, Nan Katigo, Adin Tumadin, nan kiramat Mokah Madinah, kiramat nyo lalu sampai kini.

Aluran sombah salam Datuak tadi; Kok Balabeh lah Manahan cubo, luruih lah barantangi bonang, bantuak dimakan siku-siku. Bungka gonok Manahan asah, hukum adiah Manahan uji, kato bona Manahan bandiang. Bona tak dapek ditukari. Namun baato tulai kini; Nak nyo Janiah bak dibasuah, nak nyo toreh bak ditompi, sahiah kaguguah dari tampuak, nyato ka lokang dari kulik.

Dek kami duduak lai baduwo jo batigo, diukuah kato agak sapatah, Rundiang dibawo jo baiyo, Bona dicari sampai dapek. Samantaro kami baiyo jo batido, tawakaf kalam sakutiko, soba relah malah Datuak, suko mananti sakutiko.

Dt. Mangguang : LAH SAMPAI DEK DATUAK ?………( Lah samapai ) ! 

Dek Adat itu basuruah, dek Syarak baitu pulo. Baolah Baiyo jo batido. Nak kami pakai sifat mananti. Sugiro juo malah Datuak !. Baitu pulo nan kasapo nyo.

Catatan :

Kalimat “lah Sampai” yang ditulis miring dijawab oleh lawan bicara.

Bersambung Ke : Alua Pasambahan Makan dan Minum | Part 2  – Maliek Juadah dan Hidangan